பெரிய முகத்துவாரம் புதிய பாலத்திற்கு அருகில் வெள்ளநீர்

(ஹனீக் அஹமட்)

அக்கரைப்பற்று – பொத்துவில் பிரதான வீதியில், தம்பட்டை பகுதியிலுள்ள பெரிய முகத்துவாரம் புதிய பாலத்துக்கான நிர்மாண வேலைகள் இடம்பெற்றுக்கொண்டிருக்கும் நிலையில், கடந்த சில நாட்களாக பெய்துவரும் மழை காரணமாக பாலம் நிர்மாணிக்கப்படும் இடத்திற்கு அருகில் வெள்ளநீர் தேங்கியுள்ளது.  

இதனால், இப்பாதையூடாக  பயணிப்போர் சிரமத்தை எதிர்நோக்கி வருகின்றனர்.

இப்பாலம் நிர்மாணிக்கப்படும் இடத்திலிருந்து சுமார் 100 அடி தூரத்தில் ஒருபுறம் கடலும், மறுபுறம் குளமும் அமைந்துள்ளன.

பல தடவைகள்  கடல்நீர்  நிலத்துக்குள் புகுவதால், இவ்வாறு நீர் தேங்கி வெள்ளம் ஏற்படுவதாக மக்கள் கூறுகின்றனர்.