தோணியில் பயணித்தபோது காணாமல் போன இருவர் சடலங்களாக மீட்பு

(எம்.சி.அன்சார்)

கடந்த வெள்ளிக்கிழமை கல்முனை கிட்டங்கி ஆற்றில் தோணியில் பயணித்த வேளை, அத்தோணி கவிழ்ந்ததால் காணாமல் போன இருவரின் சடலங்களும் மீட்கப்பட்டுள்ளதாக சவளக்கடை பொலிஸார் தெரிவித்தனர்.

நாவிதன்வெளியைச் சேர்ந்த அசோக் (வயது-48) என்பவரின் சடலம் இன்று காலை  மீட்கப்பட்டதாக பொலிஸார் தெரிவித்தனர். அன்னமலையைச் சேர்ந்த கணேஷன் (வயது-54) என்பவரின் சடலம் நேற்று சனிக் கிழமை காலை மீட்கப்பட்டிருந்தது.

பொலிஸாரும், பொது மக்களும் இணைந்து தேடுதல் நடத்தியபோது, தோணி கவிழ்ந்த இடத்துக்கு அண்மித்த பகுதியில் இருவரினதும் சடலங்கள் மீட்கப்பட்டதாக பொலிஸார் மேலும் தெரிவித்தனர்.