உலக நீரிழிவு தினத்தினை முன்னிட்டு விழிப்பூட்டும் நிகழ்வுகள்

(எம்.சி.அன்சார், எஸ்.எம்.எம்.றம்ஸான்)

உலக நீரிழிவு தினத்தினை முன்னிட்டு நீரிழிவு நோய் தொடர்பான விழிப்பூட்டும் நிகழ்வு இன்று ஞாயிற்றுக்கிழமை சம்மாந்துறை அப்துல் மஜீத் மண்டபத்தில் இடம்பெற்றது.

இதன்போது, விழிப்புணர்வு வீதி ஊர்வலம், விழிப்புணர்வு கண்காட்சி, பொது மக்களுக்கு இலவசமாக இரத்தம் மற்றும் குருதி அமுக்கம் பரிசோதனைகள் மற்றும் விழிப்புணர்வு கருத்தரங்குகள் என்பன நடைபெற்றன.

வைத்தியசாலை முன்றலிருந்து ஆரம்பமான விழிப்புணர்வு வீதி ஊர்வலம் பிரதான பாதை வழியாக அப்துல் மஜீட் மண்டபத்;தில் வந்தடைந்தது. 
சம்மாந்துறை அன்வர் இஸ்மாயில் ஞாபகார்த்த ஆதார வைத்தியசாலையின் ஏற்பாட்டில் வைத்திய அத்தியேட்சகர் வைத்தியர் ஏ.இஸ்ஸதீன் தலைமையில் நடைபெற்ற இந்நிகழ்வில், சம்மாந்துறை பிரதேச சபை தவிசாளர் ஏ.எம்.எம். நௌஷாட், சம்மாந்துறை பொலிஸ் நிலையப் பொறுப்பதிகாரி ஜயந்த தஹநாக்கா, வைத்தியர்கள், தாதிமார்கள், வைத்தியசாலை ஊழியர்கள் பொதுமக்கள் உட்பட பலர் கலந்துகொண்டனர்.