காட்டு யானைகளின் அட்டகாசத்தினால் பள்ளிவாசல் மதில்களுக்கு சேதம்

(ஏ.ஜே.எம்.ஹனீபா)

காட்டு யானைகளின் சரணாலயமாக தற்சமயம் சம்மாந்துறை நெய்னாகாட்டு கிராமம் மாறியுள்ளது. இதனால் நாளாந்தம் அங்குள்ள மக்களுடைய சொத்துக்கள் காட்டு யானைகளினால் அழிக்கப்பட்டு வருகின்றன.

இந்நிலையில் நேற்று திங்கட்கிழமை அதிகாலையில் ஊருக்குள் நுழைந்த காட்டு யானைகளினால் நெய்னாகாட்டு கிராமத்திலுள்ள ஜூம்மா பள்ளிவாசலின் சுவர்கள் உடைக்கப்பட்டன. அதுமட்டுமல்லாமல் அருகிலுள்ள தோட்டங்களையும் இந்த காட்டு யானைகள் நாசப்படுத்தி சென்றுள்ளன.

இந்த காட்டு யானைகளின் அட்டகாசங்களை தடுப்பதற்கு சம்பந்தப்பட்ட அதிகாரிகள் நடவடிக்கை எடுக்க வேண்டுமென ஊர்மக்கள் கேட்டுக்கொள்கின்றனர்.