மாற்றுத்திறனாளிகளுக்கு வாழ்வாதாரக் கொடுப்பனவுகள்

-எஸ்.எல்.அப்துல் அஸீஸ்

மாற்றுத்திறனாளிகளின் வாழ்வாதார முயற்சிக்கான கொடுப்பனவு வழங்கும் நிகழ்வு திங்கட்கிழமை (26) கல்முனை பிரதேச செயலகத்தில் நடைபெற்றது.

கல்முனை மாற்றுத்திறனாளிகள் மறுமலர்சி அமைப்பின் அங்கத்தவர்களுக்காக ஒதுக்கீடு செய்யப்பட்ட 150,000 ரூபாய் நிதியின் மூலம் 13 மாற்றுத்திறனாளிகளுக்கு, வாழ்வாதார முன்னெடுப்பு முயற்சிக்கான கொடுப்பனவுகள் வழங்கப்பட்டன.

நாடாளுமன்ற உறுப்பினரும் சட்டத்தரணியுமான எச்.எம்.எம்.ஹரீஸ் இதனை வழங்கி வைத்தார்.

இந்நிகழ்வில் கிராம நிர்வாக உத்தியோகஸ்தர் எ.எச்.எ.லாஹிர், சமூக சேவை உத்தியோகஸ்தர்  ரி.அன்சார், பிரதேச செயலக அதிகாரிகள் உட்பட பொதுமக்கள் பலர் கலந்துகொண்டனர்.