கடலில் மூழ்கி இராணுவ வீரர் உயிரிழப்பு

-எம்.ஏ.தாஜகான்

பொத்துவில் கடலில் மூழ்கி இராணுவ வீரரொருவர் செவ்வாய்க்கிழமை(3) உயிரிழந்துள்ளதாக பொலிஸார்  தெரிவித்தனர். தியாத்தலாவை இராணுவ முகாமைச் சேர்ந்த லெப்டினன் பீ.ஏ.வாஸித்த என்பவரே இவ்வாறு உயிரிழந்துள்ளார்.

இவர், தனது சக இராணுவ வீரர்களுடன் பொத்துவில் பகுதிக்கு சுற்றுலா மேற்கொண்டதுடன்   பொத்துவில் ஊரணி விஸ்கி பொயின்ட் கடலில் குளிக்கச் சென்றபோது கடலலையில் இழுத்துச் செல்லப்பட்டுள்ளார்.

மீட்கப்பட்டு வைத்தியசாலைக்கு கொண்டு செல்லும் வழியில் இவர்,உயிரிழந்ததாக தெரியவருகிறது. இதுதொடர்பில் பொலிஸார் விசாரணைகளை மேற்கொண்டு வருகின்றனர்.