சட்ட விரோதமாக சாராயம் வைத்திருந்தவருக்கு 10,000 ரூபாய் அபராதம்

-எம்.எஸ்.எம்.ஹனீபா

அக்கரைப்பற்று பனங்காடு பிரதேசத்தில் சட்ட விரோதமாக சாராயம் வைத்திருந்த குற்றச்சாட்டின் பேரில் கைதுசெய்யப்பட்ட நபர் ஒருவருக்கு அக்கரைப்பற்று நீதவான் நீதின்ற நீதிபதி எச்.எம்.எம்.பஸீல், 10 ஆயிரம் ரூபாய் அபராதம் விதித்து, வியாழக்கிழமை (05) தீர்ப்பளித்தார்.

அக்கரைப்பற்று பொலிஸார் புதன்கிழமை (04) மேற்கொண்ட திடீர் சுற்றி வளைப்பின் போதே குறித்த நபர் கைதுசெய்யப்பட்டிருந்தார்.

இவரை அக்கரைப்பற்று நீதவான் நீதிமன்ற நீதிபதியும், மேலதிக நீதவானுமாகிய எச்.எம்.எம்.பஸீல் முன்னிலையில் நேற்று (05) ஆஜர் செய்த போதே நீதவான் மேற்படி 10 ஆயிரம் ரூபாய் அபராத்தை விதித்தார்.

மேலும், பாலமுனை பிரதேசத்தில் கஞ்ஞா வைத்திருந்த குற்றச்சாட்டின் பேரில் கைதுசெய்யப்பட்ட நபர் ஒருவருக்கு 7 ஆயிரத்து 500 ரூபாய் அபராதம் விதிக்கப்பட்டுள்ளது.