பள்ளிவாசலுக்கு பொருட்கள் அன்பளிப்பு

-ரீ.கே.றஹ்மத்துல்லா

அட்டாளைச்சேனை பிரதேச செயலாளர் பிரிவுக்குட்பட்ட மஸ்ஜிதுந் நூர் பள்ளிவாசலுக்கு ஸ்ரீ லங்கா முஸ்லிம் காங்கிரஸின் கிழக்கு மாகாண சபை உறுப்பினர் ஏ.எல்.எம்.நஸீரின் நிதியொதுக்கீட்டில் பெறப்பட்ட ஒரு தொகுதி தளபாடங்கள் மற்றும் அல்-குர்ஆன் பிரதிகள், ஞாயிற்றுக்கிழமை(15) அன்பளிப்பாக வழங்கப்பட்டன.

மஸ்ஜிதுந் நூர் பள்ளிவாசல் தலைவர் யு.கே.கரீம் தலைமையில் நடைபெற்ற இந்நிகழ்வில் கிழக்கு மாகாண சபை உறுப்பினர்களான ஏ.எல்.எம்.நஸீர் மற்றும் ஆரிப் சம்சுதீன், பிரதேச சபை உறுப்பினர் ஐ.எல் நஸீர் ஆகியோர் அதிதிகளாக கலந்துகொண்டனர்.

இரண்டு இலட்சம் ரூபாய் நிதியொதுக்கீட்டில் கொள்வனவு செய்யப்பட்ட பிளாஸ்டிக் கதிரைகள், தளபாடங்கள் மற்றும் குர்ஆன் பிரதிகள் பள்ளிவாசல் நிர்வாகிகள் மற்றும் மாணவர்களிடம்  இதன்போது கையளிக்கப்பட்டன.