ஊடகவியலாளர் சம்மேளனத்தின் அமர்வு

-பைஷல் இஸ்மாயில்

அம்பாறை மாவட்ட ஊடகவியலாளர் சம்மேளனத்தின் இம்மாத அமர்வு, நாளை மறுதினம் ஞாயிற்றுக்கிழமை (29) ஒலுவிலில் இடம்பெறவுள்ளதாக அதன் செயலாளர் ரீ.கே.றஹ்மத்துல்லா தெரிவித்தார்.

சம்மேளனத்தின் தலைவர் கலாபூஷணம் மீரா எஸ்.இஸ்ஸடீன் தலைமையில் இடம்பெறவுள்ள இந்நிகழ்வு அட்டாளைச்சேனை பிரதேச சபையின் முன்னாள் பிரதித் தவிசாளர் ஏ.எல்.இஸ்மாயில் பூங்காவில் நடாத்த ஏற்பாடுகள் செய்யப்பட்டுள்ளன.

இந்த அமர்வில், கடந்த மாத கூட்டறிக்கையும் பொருளாளர் அறிக்கையும் அன்றைய தினம் சமர்ப்பிக்கப்பட்டதன் பின்னர் ஊடகவியலாளர்களுடனான கலந்துரையாடலில் எதிர்கால நடவடிக்கைகள் பற்றி ஆராயப்படவுள்ளதாக செயலாளர் ரீ.கே.றஹ்மத்துல்லா மேலும் தெரிவித்தார்.