நெல் அறுவடை விழா

ஐ.ஏ.ஸிறாஜ்

அம்பாறை, பொத்துவில் றெத்தல் குளப்பள்ளியடி வட்டை பிரதேசத்தில், 150 ஏக்கர் காணியில் மேற்கொள்ளப்பட்டிருந்த நெற்செய்கையின் அறுவடை விழா, சனிக்கிழமை (28) இடம்பெற்றது.

றெத்தல் பள்ளியடி வட்டை விவசாய அமைப்பின் ஆலோசகர் என்.றிஸ்வி தலைமையில் இடம்பெற்ற இந்நிகழ்வில், கிழக்கு மாகாண சபை உறுப்பினர் ஏ.எல்.தவம் பிரதம அதிதியாக கலந்துகொண்டு நெல் அறுவடை விழாவை ஆரம்பித்து வைத்தார்.

இந்நிகழ்வில் கிராம உத்தியோகஸ்தர் குலநாயகம், கிழக்கு மாகாண சபை உறுப்பினரின் ஊடக இணைப்பாளரும் ஊடகவியலாளருமான எம்.ஐ.எம்.றியாஸ், விவசாய அமைப்புக்களின் பிரதிநிதிகள், விவசாயிகள், பொத்துவில் பிரதேச பொதுமக்கள் உட்பட பலர் கலந்துகொண்டனர்.