தாதியர்களுக்கான நியமனக் கடிதங்கள் வழங்கப்பட்டன

-எஸ்.எம்.அறூஸ்

இலங்கை தாதியர் சேவை தரம் - III க்கு  நியமிக்கப்பட்ட தாதியர்களுக்கான நியமனக் கடிதம் வழங்கி வைக்கும் நிகழ்வு, கிழக்கு மாகாண சுகாதார, சுதேச மருத்துவ அமைச்சின் அலுவலகத்தில் திங்கட்கிழமை (06) நடைபெற்றது.

அமைச்சின் செயலாளர் கே.கருணாகரன் தலைமையில் நடைபெற்ற இந்நிகழ்வில் கிழக்கு மாகாண சுகாதார, சுதேச மருத்துவ, சிறுவர் நன்னடத்தை, கிராமிய மின்சாரம் மற்றும் சமூக சேவைகள் அமைச்சர் எம்.ஐ.எம்.மன்சூர் பிரதம அதிதியாக கலந்துகொண்டு தாதியர்களுக்கான நியமனக் கடிதங்களை வழங்கி வைத்தார்.

கிழக்கு மாகாணப் பணிப்பாளர் டாக்டர் கே.முருகானந்தன், உதவிச் செயலாளர் ஜே.ஹுசைன்தீன், அமைச்சரின் பிரத்தியேக செயலாளர் எம்.எம்.சஹுபீர் ஆகியோர் இந்நிகழ்வில் கலந்துகொண்டனர்.