வருடாந்த மாநாடு

எம்.எஸ்.எம்.ஹனீபா

அஞ்சல் திணைக்கள உத்தியோகத்தர்கள் சங்கத்தின் 8 ஆவது வருடாந்த மாநாடும் பொதுக் கூட்டமும் எதிர்வரும் 7ஆம் திகதி ஞாயிற்றுக்கிழமை மாளிகைக்காடு பிஸ்மில்லா விடுதியில் நடைபெறவுள்ளதாக அஞ்சல் திணைக்கள உத்தியோகத்தர்கள் சங்கத்தின் செயலாளர் யூ.எல்.எம்.பைஸர் புதன்கிழமை(3) தெரிவித்தார்.

இந்நிகழ்வில், தபால் மற்றும் முஸ்லிம் சமய விவகார அமைச்சின் செயலாளர் எ.அப்துல் மஜீட், கிழக்கு மாகாண பிரதி அஞ்சல் மா அதிபர் வி.விவகானந்தலிங்கம், பிரதி அஞ்சல் மா அதிபர் கே.கனகசுந்தரம், அக்கரைப்பற்று அம்பாறை பிரதேச அஞ்சல் அத்தியட்சகர் ஆர்.எம்.ரூபசுந்தரபண்டா உட்பட பலர் கலந்துகொள்ளவுள்ளனர்.

இதன்போது, 2015ஃ2016ஆம் ஆண்டுக்கான புதிய நிர்வாகிகள் தெரிவு இடம்பெறுவதோடு, ஓய்வுபெற்ற தபாலதிபர் ஆர்.எம்.நௌஷாட் மற்றும் பிரதம அதிதி செயலாளர் ஏ.அப்துல் மஜீட் ஆகியோர் கௌரவிக்கப்படவுள்ளதாகவும் சங்கத்தின் செயலாளர் யூ.எல்.எம். பைஸர் மேலும் கூறினார்.