தொழில்நுட்ப ஆய்வுகூடத்தில் தீ விபத்து

எஸ்.கார்த்திகேசு, வி.சுகிர்தகுமார்  

அம்பாறை, திருக்கோவில் பொலிஸ் பிரிவுக்குட்பட்ட விநாயகபுரம் மகாவித்தியாலயத்தின் தொழில்நுட்ப ஆய்வுகூடத்தில் வெள்ளிக்கிழமை (12) பிற்பகல் 4.30 மணியளவில் ஏற்பட்ட தீ விபத்தினால்   40ற்கும் மேற்பட்ட கணினிகள் தீக்கிரையாகியுள்ளதாக திருக்கோவில் பொலிஸார் தெரிவித்தனர்.

இதேவேளை, பொதுமக்களின் உதவியுடன் பொலிஸார் மற்றும் இராணுவத்தினர் இணைந்து தீயை கட்டுப்பாட்டுக்குள் கொண்டுவந்துள்ளனர்.

மேலும், மின்னொழுக்கினால் தீ விபத்து ஏற்பட்டிருக்கலாம் என தெரிவித்த பொலிஸார், இச்சம்பவம் குறித்த மேலதிக விசாரணைகளை முன்னெடுத்துள்ளனர்.