சட்டவிரோதமாக சாராயம் வைத்திருந்தவருக்கு அபராதம்

-எம்.எஸ்.எம். ஹனீபா

திருக்கோவில் பிரதேசத்தில் சட்டவிரோதமாக சாராயம் வைத்திருந்த குற்றச்சாட்டின் பேரில் கைது செய்யப்பட்ட நபர் ஒருவருக்கு 50 ஆயிரம் ரூபாய் அபராதம் செலுத்துமாறு அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம். பஸீல், வெள்ளிக்கிழமை (19) உத்தரவிட்டார்.

திருக்கோவில் பொலிஸார், வியாழக்கிழமை (18) மேற்கொண்ட திடீர் சுற்றிவளைப்பின் போதே குறித்த நபர் கைது செய்யப்பட்டார்.

குறித்த நபருக்கெதிராக ஏற்கெனவே நீதிமன்றில் மூன்று முன்குற்றங்கள் இருப்பதாக திருக்கோவில் பொலிஸார் தெரிவித்தனர்.