கள்ளு வைத்திருந்தவர்களுக்கு அபராதம்

-எம்.எஸ்.எம். ஹனீபா

தம்பிலுவில் மற்றும் திருக்கோவில் பிரதேசங்களில் சட்டவிரோதமாக விற்பனைக்காக கள்ளு வைத்திருந்த குற்றச்சாட்டின் பேரில் கைதுசெய்யப்பட்ட 10 நபர்களுக்கும் தலா ஆயிரம் ரூபாய் அபராதம் விதித்து அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம். பஸீல், நேற்று புதன்கிழமை (24)  தீர்ப்பளித்தார்.  

கல்முனைப் பிராந்திய மது வரி திணைக்கள அதிகாரிகள் பொலிஸார் நேற்று முன்தினம் செவ்வாய்க்கிழமை மேற்கொண்ட திடீர் சுற்றிவளைப்பின் போதே குறித்த நபர்கள் கைது செய்யப்பட்டனர்.

குறித்த நபர்களை அக்கரைப்பற்று மாவட்ட நீதிமன்ற நீதிபதியும் நீதவான் நீதிமன்ற நீதிபதியுமான எச்.எம்.எம். பஸீல் முன்னிலையில் ஆஜர்படுத்திய போதே குறித்த நபர்களுக்கு தலா ஆயிரம் ரூபாய் அபராதம் விதித்துள்ளார்.