கிழக்கு கல்வி அமைச்சின் செயலாளராக அசங்க அபேயவர்தன நியமனம்

-எம்.எஸ்.எம். ஹனீபா, ஷஹரின் எம். இஸ்மத்

அம்பாறை மாவட்ட மேலதிக அரசாங்க அதிபராக கடமையாற்றிய ஜே.எஸ்.டி.எம். அசங்க அபேயவர்தன கிழக்கு மாகாண கல்வி, பண்பாட்டலுவல்கள், விளையாட்டுத்துறை, முன்பள்ளி மற்றும் மீள்குடியேற்ற அமைச்சின் செயலாளராக நியமிக்கப்பட்டுள்ளார்.

இந்த நியமனம், கிழக்கு மாகாண ஆளுநர் ஒஸ்டின் பெர்ணாடோவினால் இன்று திங்கட்கிழமை (29) வழங்கப்பட்டது. 

இலங்கை நிர்வாக சேவையின் சிரேஷ்ட அதிகாரியான இவர், மீன்பிடி மற்றும் நீரியல்வளத்துறை அமைச்சின் மேலதிக செயலாளராக கடமையாற்றியுள்ளார்.

தற்போது கிழக்கு மாகாண கல்வி, பண்பாட்டலுவல்கள், விளையாட்டுத்துறை, முன்பள்ளி மற்றும் மீள்குடியேற்ற அமைச்சின் பதில் செயலாளராக இதுவரை கடமையாற்றிய எச்.ஈ.எம்.டப்ளியூ.ஐ. திஸாநாயக்க, கிழக்கு மாகாண பொதுச் சேவை ஆணைக்குழுவின் செயலாளராக தொடர்ந்தும் கடமையாற்றுவாரென அறிவிக்கப்பட்டுள்ளது.