2ஆவது நபருக்கும் விளக்கமறியல்

அம்பாறை, சவளக்கடை பிரதேசத்தில் முச்சக்கர வண்டியிலிருந்த அலைபேசியைத் திருடிய குற்றச்சாட்டில் கைதுசெய்யப்பட்ட 2ஆவது சந்தேகநபரையும், எதிர்வரும் 8ஆம் திகதி வரை விளக்கமறியலில் வைக்குமாறு, கல்முனை நீதவான் நீதமன்ற நீதவான் ஐ. பயாஸ் றஸாக், நேற்று (01) உத்தரவிட்டார்.

கடந்த மார்ச் மாதம் 31ஆம் திகதி, சவளக்கடை பிரதான வீதியில் நிறுத்தப்பட்டிருந்த முச்சக்கர வண்டியில் 8,000 ரூபாய் பணம், அலைபேசி என்பவை திருடப்பட்டுள்ளதாக உரிமையாளரால், சவளக்கடை பொலிஸில் முறைப்பாடு செய்யப்பட்டிருந்தது.

முறைப்பாட்டையடுத்து பொலிஸார் மேற்கொண்ட விசாரணையின் போது திருட்டுச் சம்பவத்துடன் தொடர்புடைய ஒருவர் கைதுசெய்யப்பட்டு, ஏற்கெனவே விளக்கமறியலில் வைக்கப்பட்டிருந்த நிலையில், 2ஆம் சந்தேகநபரும் கைதுசெய்யப்பட்டிருந்தார்.