38 வருட பல்கலைக்கழக சேவையிலிருந்து ஓய்வு

தென்கிழக்குப் பல்கலைக்கழக அரபு மொழிப் பேராசிரியர் கலாநிதி எம்.எஸ்.எம்.ஜலால்தின், தனது 38 வருட பல்கலைக்கழக சேவையிலிருந்து ஓய்வுபெறுகின்றார்.

பேராதனைப் பல்கலைக்கழகம், கிழக்குப் பல்கலைக்கழகம், யாழ். பல்கலைக்கழகம், தென்கிழக்குப் பல்கலைக்கழகம் என்பவற்றில் அரபு மொழி விரிவுரையாளராக, சிரேஷ்ட விரிவுரையாளராக, துறைத் தலைவராக, பீடாதிபதியாக, பேராசிரியராக சுமார் 38 வருடங்கள் கடமையாற்றிய இவர், 2019 செப்டம்பர் 30ஆம் திகதியிலிருந்து ஓய்வுபெறுகின்றார்.

மருதமுனையைச் சேர்ந்த  பேராசிரியர், மருதமுனை அல்-மனார் மத்திய கல்லூரி, கல்முனை உவெஸ்லி உயர்தரப் பாடசாலை ஆகியவற்றின் பழைய மாணவராவார்.