அட்டாளைச்சேனையில் செயலமர்வு

-ரீ.கே.றஹ்மத்துல்லா

விவசாய திணைக்களத்தினால் முன்னெடுக்கப்பட்டு வரும் பிரதேச விவசாய அபிவிருத்தி செயற்திட்டம் தயாரித்தல் தொடர்பான செயலமர்வு இன்று திங்கட்கிழமை அட்டாளைச்சேனையில் அமைந்துள்ள மாவட்ட விவசாய பயிற்சி நிலையத்தில்  அட்டாளைச்சேனை பிரதேச விவசாய போதானாசிரியர் ஏ.எச்.ஏ.முபாறக் தலைமையில் நடைபெற்றது.

இந்நிகழ்வில்,அம்பாறை மாவட்ட விவசாய உதவிப்பணிப்பாளர் எம்.எப்.ஏ.ஸனீர், யூ.என்.டி.பி. உதவி திட்டமிடல் அதிகாரி குமாரி ரத்நாயக்க, விவசாய போதானாசிரியர்கள், விவசாய அமைப்பக்களின் தலைவர்கள், சமூகமட்ட தலைவர்கள் மற்றும் பலர் கலந்துகொண்டனர்.

ஐக்கிய நாடுகள் அபிவிருத்தி திட்டம்  அனுசரணையின் கீழ் அம்பாறை மாவட்ட விவசாய அபிவிருத்தி மற்றும் பிரச்சினைகள் தொடர்பான ஐந்து வருட செயற்திட்டம்  தயாரித்தல் போன்ற நடவடிக்கைகளை மாவட்ட விவசாய திணைக்களம் முன்னெடுத்து வருகின்றமை குறிப்பிடத்தக்கது.