ஆயுர்வேத வைத்தியசாலைக்கு அடிக்கல் நாட்டிவைப்பு

-பைஷல் இஸ்மாயில்

அம்பாறை, நிந்தவூரில் 10 மில்லியன் ரூபாய் செலவில் நிர்மாணிக்கப்படவுள்ள ஆயுர்வேத மாவட்ட வைத்தியசாலைக்கான அடிக்கல் நாட்டும் நிகழ்வு, சனிக்கிழமை மாலை (26) இடம்பெற்றது.

அம்பாறை மாவட்ட நாடாளுமன்ற உறுப்பினரும் சுகாதாரப் பிரதியமைச்சருமான பைசால் காசீமின் முயற்சியின் கீழ் இந்த வைத்தியசாலை நிர்மாணிக்கப்படவுள்ளது.

நிந்தவூர் ஆயுர்வேத மாவட்ட வைத்தியசாலையின் வைத்திய அத்தியட்சகர் டாக்டர் எம்.ஏ.நபீல் தலைமையில் நடைபெற்ற இந்நிகழ்வில் பிரதியமைச்சர் பைசால் காசிம், கிழக்கு மாகாண ஆயுர்வேத ஆணையாளர் டாக்டர் எஸ்.சிறிதரன், கல்முனைப் பிராந்திய சுகாதார சேவைகள் மத்திய நிலையத்தின் பணிப்பாளர் டாக்டர் ஏ.அலாவுதீன், நிந்தவூர் பிரதேச செயலகத்தின் உதவிப் பிரதேச செயலாளர் ஆர்.திரவியராஜ் உள்ளிட்ட பலர் கலந்துகொண்டனர்.