ஆற்றுவாழையை அகற்ற நடவடிக்கை

அம்பாறை, ஒலுவில் ஆற்றில் காணப்படுகின்ற ஆற்றுவாழையை (சல்பீனியா) அகற்றும் நடவடிக்கை எடுக்கப்பட்டுள்ளதென, அட்டாளைச்சேனை பிரதேச சபையின் தவிசாளர் ஏ.எல். அமானுல்லாஹ், இன்று (21) தெரிவித்தார்.

இவ்வாற்றில், அண்மைக்காலமாக ஆற்றுவாழை வளர்ந்து, ஆற்றுநீர் ஓடமுடியாதவாறு தடைப்பட்டுள்ளதால், விவசாயிகளும் பொதுமக்களும் பாதிக்கப்பட்டுள்ளனர்.

அத்துடன், இப்பிரதேசத்தில் முதலைகளின் வருகையும் அதிகாரித்துக் காணப்படுவதாகவும் சுட்டிக்காட்டப்பட்டுள்ளதை அடுத்து, ஆற்றுவாழையை அகற்றும் பணி ஆரம்பிக்கப்பட்டுள்ளதென அவர் தெரிவித்தார்.