இங்கிலாந்துக்குப் பயணம்

தென் கிழக்குப் பல்கலைக்கழகத்தின்  கலாசார பீடத்தின் பீடாதிபதி கலாநிதி றமீஸ் அபூபக்கர், தனது சமூக ஆய்வு விடயமாக, ஒரு வார கால பயணத்தை மேற்கொண்டு, இங்கிலாந்துக்கு இன்று (18) பயணித்துள்ளார்.

இங்கிலாந்து நெபியார் பல்கலைக்கழகத்தால் வழங்கப்பட்ட ஆய்வுப் போட்டி நிதியை வெற்றி பெற்றதன் மூலம், “கிழக்கு மாகாணத்தில் யுத்தத்தால் பாதிக்கப்பட்ட பெண்களின் சமூகப் பொருளாதார வலுவூட்டல்” என்ற சமூக ஆய்வை, இங்கிலாந்துப் பல்கலைக்கழகப் பேராசிரியர் ஒருவரோடு சேர்ந்து தற்போது மேற்கொண்டு வருகின்றார். இதன் ஓர் அங்கமாகவே இந்தப் பயணம் அமைகிறது.

இங்கிலாந்து நெபியார் பல்கலைக்கழக ஆய்வு நிதியைப் பெற்றுக்கொண்ட இலங்கைப் பல்கலைக்கழக மூன்று விரிவுரையாளர்களுள் இவரும் ஒருவர் என்பது குறிப்பிடத்தக்கது.