இயந்திரம் கையளிப்பு

திண்மக் கழிவகற்றலை இலகுபடுத்தும் பொருட்டு, கல்முனை மாநகர சபையின் மீள்சுழற்சி நிலையத்துக்கு பிளாஸ்டிக் அரிப்பு இயந்திரம் ஒன்று, கிழக்கு மாகாண சபை உள்ளூராட்சித் திணைக்களத்தால் இன்று (06) வழங்கி வைக்கப்பட்டது.
இதன் பயன்பாட்டால், கல்முனை மாநகர சபை எதிர்நோக்கி வருகின்ற திண்மக் கழிவகற்றல் பிரச்சினையை ஓரளவு குறைக்க முடியும் என, ஆணையாளர் ஜே.லியாகத் அலி தெரிவித்தார்.
அத்துடன், எதிர்காலங்களில் பிளாஸ்டிக் பாகங்களை பொதுமக்களிடம் இருந்து விலைக்கு வாங்குவதற்கும், அவற்றை இவ்வியந்திரத்தின் மூலம் பிளாஸ்டிக் தூள்களாகப் பொதிசெய்து சந்தைப்படுத்துவதற்கு எதிர்பார்ப்பதாகவும் அவர் மேலும் குறிப்பிட்டார்.