இளைஞர் முகாம்

-எம்.எஸ்.எம்.ஹனீபா

அம்பாறை, அட்டாளைச்சேனைப் பிரதேச செயலகப் பிரிவுக்கான பிரதேச இளைஞர் முகாம் நாளை வெள்ளிக்கிழமை 03 மணிக்கு ஆரம்பமாகி ஞாயிற்றுக்கிழமைவரை ஒலுவில் அல் -ஜாயிஸா மகளிர் வித்தியாலயத்தில ஆரம்பமாகி நடைபெறவுள்ளது.

தேசிய கொள்கை மற்றும் பொருளாதார அமைச்சினால் தேசிய இளைஞர் சேவைகள் மன்றத்தின் ஏற்பாட்டில் 2016 'ஹோப்' வேலைத்திட்டத்துக்கு அமைய இந்த இளைஞர் முகாம் நடத்தப்படவுள்ளதாக அம்பாறை மாவட்ட இளைஞர் சேவை அதிகாரி யூ.எல்.ஏ.மஜீட் தெரிவித்தார்.

இந்த இளைஞர் முகாமில் 100 இளைஞர், யுவதிகள் பங்குபற்றவுள்ளதாகவும் அவர் கூறினார்.

இளைஞர் கழகங்களின் தலைவர்கள் மற்றும்  அங்கத்தவர்களுக்கு இடையிலான நட்பை  மேம்படுத்துதல், கழங்களினுடைய தலைவர்களின் அறிவு மற்றும் அனுபவங்களை பரிமாறுவதற்கு சந்தர்ப்பம் வழங்குதல், தொடர்பாடல் திறமை,  ஆளுமை, அபிவிருத்தி ஆகியவற்றை நோக்காகக் கொண்டு இளைஞர் முகாம்களை நடத்துவதற்கு ஏற்பாடு செய்யப்பட்டுள்ளது.

இந்நிலையில், அம்பாறை மாவட்டத்தின் 20 பிரதேச செயலகப் பிரிவுகளிலும் பிரதேச இளைஞர் சம்மேளனம் ஊடாக பிரதேச இளைஞர் முகாம்கள் நடைபெறுவதற்கு ஏற்பாடு செய்யப்பட்டுள்ளது.