ஒரு மாத அவகாசம் கோரினார் ஞானசார தேரர்

கல்முனை பிரச்சினைக்கு தீர்வொன்றைப் பெற்றுத்தருவதற்கு, தனக்கு ஒருமாத காலம் அவகாசம் வழங்குமாறு, பொதுபலசேன அமைப்பின் பொதுச்செயலாளர் கலகொட அத்தே ஞானசார தேரர் கோரியுள்ளார்.

கல்முனை வடக்கு பிரதேச செயலக விவகாரம் குறித்து, அவர்களின் கோரிக்கைக்கு தீர்வுகாணும் முகமாக, பொதுபலசேன அமைப்பின் பொதுச்செயலாளர் கலகொட அத்தே ஞானசார தேரர், குறித்த பகுதிக்கு விஜயம் மேற்கொண்டுள்ளார்.

இந்த விஜயத்தின் போ​தே, அவர் மேற்கண்டவாறு தெரிவித்துள்ளார்.

அவர் தொடர்ந்து கூறியுள்ளதாவது,

தன்னால் 5 நாள்களில் கல்முனையை தரமுயர்த்தித் தர முடியாது என்றும் ஆனால், விளைவுகள் தற்​போது மோசமாக இருப்பதால், நிதானமான நடவடிக்கைகளை முன்னெடுப்பறதற்கு, தனக்கு ஒரு மாதகால அவகாசம் தருமாறும் அதற்குள் கல்முனையை தரமுயர்த்தித் தருவதாகவும் அவர் கூறியுள்ளார்.