குடுவில் அல்-ஹிறா வித்தியாலயத்தில் தரம் -06ஆம் வகுப்பை ஆரம்பிக்க அனுமதி

-எம்.எஸ்.எம்.ஹனீபா

அம்பாறை, இறக்காமம் கல்விக் கோட்டத்திலுள்ள குடுவில் அல்-ஹிறா வித்தியாலயத்தில் தரம் -06ஆம் வகுப்பை ஆரம்பிப்பதற்கான அனுமதி கிடைத்துள்ளதாக அவ்வித்தியாலய அதிபர் எம்.ஏ.எம்.பஜீர் தெரிவித்தார்.

இவ்வித்தியாலயமானது இதுவரை காலமும் அதிகஷ்டப் பிரதேச பாடசாலைகளுள் ஒன்றாக தரம் -05வரை இயங்கி வந்தது.

இவ்வித்தியாலயத்தில்; தரம் -06ஆம் வகுப்பை ஆரம்பிப்பதற்கான நடவடிக்கை எடுக்குமாறு கிழக்கு மாகாணக் கல்வி அமைச்சர் எஸ்.தண்டாயுதபாணியிடம்  கோரிக்கை விடுக்கப்பட்டது. இதற்கமைய, 2017ஆம் ஆண்டு ஜனவரி முதலாம்; திகதி முதல் தரம் -06ஆம் வகுப்பை ஆரம்பிப்பதற்கான அனுமதியை மாகாணக் கல்வி அமைச்சின் செயலாளர் ஜே.எஸ்.டீ.எம்.அசங்க அபேவர்த்தன வழங்கியுள்ளதாகவும் அவர் கூறினார்.