கோழிக்குஞ்சுகள் வழங்கி வைப்பு

வி.சுகிர்தகுமார், நடராஜன் ஹரன்

கிராமத்துக்கு ஒரு வேலைத்திட்டத்தின் கீழ் ஆலையடிவேம்பு பிரதேசத்தில் தெரிவுசெய்யப்பட்ட பயனாளிகளுக்கு, வாழ்வாதார உதவியாக கோழிக்குஞ்சுகள் வழங்கும் நிகழ்வு ஆலையடிவேம்பு பிரதேச செயலகத்தில் நேற்;று (20) காலை இடம்பெற்றது.

ஆலையடிவேம்பு பிரதேச செயலகத்துக்குட்பட்ட 14 கிராமசேவகர் பிரிவுகளிலிருந்து தெரிவுசெய்யப்பட்ட, கோழி வளர்ப்பைத் தமது பிரதான வாழ்வாதாரமாகக் கொண்ட சுமார் 130 பயனாளிகளுக்குத் தலா 14 கோழிக்குஞ்சுகள் வீதம் இதன்போது வழங்கிவைக்கப்பட்டன.

திருகோணமலை கால்நடைகள் சுகாதாரத் திணைக்களத்தினால் இக்கோழிக்குஞ்சுகள் தருவிக்கப்பட்டன.