கேரள கஞ்சாவுடன் இளைஞன் கைது

அம்பாறை, அக்கரைப்பற்று  பிரதேசத்தில் 09 கிராம் கேரள கஞ்சாவை வைத்திருந்த குற்றச்சாட்டின் பேரில், 20 வயதுடைய இளைஞனை நேற்று(23) பட்டியடிப்பிரதேசத்தில் வைத்து அக்கரைப்பற்று பொலிஸார் கைது செய்துள்ளதாக தெரிவித்தனர்.

சந்தேகநபர், பொலனறுவை பிரதேசத்தைச் சேர்ந்தவரெனவும், இவர் அக்கரைப்பற்று பகுதியில் தொழிலில் செய்துகொண்டிருப்பதாகவும் ஆரம்பகட்ட விசாரணையில் இருந்து தெரியவந்துள்ளது.

சந்தேகநபரை, நீதவான் நீதிமன்றில் ஆஜர்படுத்துவதற்கான நடவடிக்கையை எடுத்துள்ளதாகவும் பொலிஸார் தெரிவித்தனர்.