சக்கர நாற்காலிகளை கையளிக்கும் நிகழ்வு

-பைஷல் இஸ்மாயில்

விசேட தேவையுடையவர்களின் தேவையை நிவர்த்தி செய்யும் பொருட்டு கிழக்கு மாகாண முதலமைச்சர் ஹாபிஸ் நஸீர் அஹமட் ஒரு தொகுதி சக்கர நாற்காலிகளை கையளிக்கும் நிகழ்வு இன்று ஞாயிற்றுக்கிழமை மாலை முதலமைச்சரின் கொழும்பு இல்லத்தில் வைத்து கையளித்து வைக்கப்பட்டதாக முதலமைச்சரின் ஊடக இணைப்பாளர் எஸ்.எல்.முனாஸ் தெரிவித்தார்.

கிழக்கு மாகாண முதலமைச்சரிடம் அம்பாறை மாவட்ட தெஹியத்த கண்டியைச் சேர்ந்த விசேட தேவையுடையவர்கள் தங்களுக்கு சக்கர நாற்காலிகள் தேவை என விடுத்த வேண்டுகோளுக்கிணங்கவே இந்த சக்கர நாற்காலிகளை முதலமைச்சர் ஹாபிஸ் நஸீரினால் நீர் வழங்கள் அமைச்சின் நிறைவேற்றுப்பணிப்பாளர் மஹிலாலிடம் கையளிக்கப்பட்டன.

கிழக்கு மாகாண முதலமைச்சரின் சொந்த நிதியிலிருந்து இந்த உபகரணங்கள் பெற்றுக்கொடுக்கப்பட்டதாகவும் அவர் மேலும் தெரிவித்தார்.