சட்டவிரோதமாக கடல் மண் ஏற்றியவர் கைது

எஸ்.ஜமால்டீன்

சட்டவிரோதமாக அக்கரைப்பற்றுப் பிரதேசத்தில் கடல் மண் ஏற்றிய 42 வயதுடைய நபரொருரை அக்கரைப்பற்று பொலிஸார் இன்று புதன்கிழமை (07) அதிகாலை கைது செய்துள்ளனர்.

பொலிஸாருக்குக் கிடைத்த இரகசியத் தகவலையடுத்து மேற்கொள்ளப்பட்ட சுற்றிவளைப்பின் போது, அக்கரைப்பற்று கடற்கரையில் உழவு இயந்திரத்தின் இழுவைப்பெட்டியில் கடல் மண் ஏற்றிக் கொண்டிருந்த நபரை கைது செய்ததுடன் மண் ஏற்றிய உழவு இயந்திரத்தையும் பெட்டியையும் கைப்பற்றியதாகவும் மேலும் தெரிவித்தனர்.  

கைது செய்யப்பட்டவர் அக்கரைப்பற்று பிரதேசத்தைச் சேர்ந்தவர் எனவும் அவரை இன்று நீதிமன்றத்தில் ஆஜர்படுத்தவுள்ளதாகவும் தெரிவித்தனர்.