சட்டவிரோதமாக மின்சாரம் பெற்ற மூவர் கைது

-எஸ்.ஜமால்டீன்

சட்டவிரோதமாக வீட்டு மின்மாற்றிகளில் குளறுபடி செய்து வீடுகளுக்கு மின்சாரம் பெற்ற மூவரை நேற்று (26) சனிக்கிழமை மாலை 5.30 மணியளவில்  கைது செய்துள்ளதாக அக்கரைப்பற்று பொலிசார் தெரிவித்தனர்.

மின்சார சபையின் கொழும்பு தலைமையக புலனாய்வு பிரிவினரும் அக்கரைப்பற்று பொலிசாரும் இணைந்து நடத்திய சுற்றிவளைப்பின் போதே மூவரும் கைது செய்யப்பட்டதாக தெரிவித்தனர்.

கைதுசெய்யப்பட்ட மூவரும் பொலிஸ் பிணையில் இன்று (26) இரவு விடுவித்ததுடன் எதிர்வரும் 29 ஆம் திகதி அக்கரைப்பற்று நீதவான் நீதிமன்றத்தில் ஆஜராகுமாறும் உத்தரவிட்டார்.