திருக்கோவில் வலய கல்விப் பணிமனையில் தீ

-வி.சுகிர்தகுமார், எஸ்.கார்த்திகேசு

அம்பாறை, திருக்கோவில் பொலிஸ் பிரிவுக்;குட்பட்ட திருக்கோவில் வலய கல்விப் பணிமனையில் செவ்வாய்க்கிழமை (30) இரவு திடீரென்று தீ பரவியதன் காரணமாக அலுவலகக் கோவைகளும் கணினியும் தீயில் எரிந்து நாசமாகியுள்ளதாக பொலிஸார் தெரிவித்தனர்.

குறித்த பணிமனையில் தீ பரவியமையைக் கண்ட காவலாளி, இது  தொடர்பில் உரிய அதிகாரிகளுக்கு தகவல் வழங்கினார். இதனை அடுத்து, காவலாளியும் அதிகாரிகளும் இணைந்து தீயை அணைத்துள்ளனர்.

இது தொடர்பில் பொலிஸில் முறைப்பாடு செய்யப்பட்டுள்ள நிலையில், பொலிஸார் விசாரணைகளை முன்னெடுத்துள்ளனர்.