பட்டதாரிகளை பதிவு செய்தல்

அம்பாறை, அட்டாளைச்சேனை பிரதேச செயலகத்துக்குட்பட்ட வேலையற்ற பட்டதாரிகளை பதிவு செய்யும் நடவடிக்கை ஆரம்பிக்கப்பட்டுள்ளதாக, அட்டாளைச்சேனை பிரதேச செயலாளர் ரி.ஜே. அதிசயராஜ் தெரிவித்தார்.

வேலையற்ற 15 ஆயிரம் பட்டதாரிகளுக்கு பயிற்சி வழங்கும் திட்டத்தின் கீழ், தேசிய கொள்கை மற்றும் பொருளாதார விவகாரங்கள் அமைச்சின் அறிவுறுத்தலுக்கமைய, 2018.06.30ஆம் திகதிக்கு முன் அங்கிகரிக்கப்பட்ட பல்கலைக்கழகமொன்றில் பட்டத்தை பெற்றுள்ள 45 வயதுக்குட்பட்ட வேலையற்ற பட்டதாரிகள் பதிவு செய்யப்படுகின்றனர்.

அட்டாளைச்சேனை, பாலமுனை, ஒலுவில் ஆகிய கிராமங்களிலுள்ள தகைமையுடைய அனைத்து வேலையற்ற பட்டதாரிகளும் எதிர்வரும் ஜூலை மாதம் 13ஆம் திகதிக்கு முன்னர் அட்டாளைச்சேனை பிரதேச செயலகத்தில் பதிவு செய்து கொள்ளுமாறும், அவர் மேலும் தெரிவித்தார்.