புதுத் தம்பதிகளுக்கு விழிப்புணர்வு செயலமர்வு

திருக்கோவில் பிரதேச சுகாதார வைத்திய அதிகாரிப் பிரிவுகுட்பட்ட 22கிராம உத்தியோகத்தர் பிரிவுகளில் புதிதாகத் திருமணமான சுமார் 150க்கும் மேற்பட்ட தம்பதிகளுக்கு, ஆரோக்கியமாக பிள்ளை வளர்ப்புத் தொடர்பான செயலமர்வு, நேற்று (21) நடைபெற்றது.

இந்தச் செயலமர்வு, திருக்கோவில் சுகாதார வைத்திய அதிகாரி ஜ.எம்.எம்.இஸ்சடீன் தலைமையில், திருக்கோவில் கலாசார மத்திய நிலையத்தில் நடைபெற்றது.

“வளமான பெற்றோர்களிடமிருந்து, ஆரோக்கியமான எதிர்கால சமுதாயத்தை உருவாக்குவோம்” எனும் தொனிப்பொருளில், கல்முனை பிராந்திய சுகாதார சேவைகள் பணிமனையின் தாய், சேய் நல வைத்திய அதிகாரி எம்.ஏ.சீ.பசால், திருக்கோவில் வலயக்கல்விப் பணிமனையில் உளவள ஆலோசகர் திருமதி வி.மணிமேகலை, திருக்கோவில் சுகாதார வைத்திய அதிகாரி ஜ.எம்.எம்.இஸ்சடீன் ஆகியோரால் தெளிவூட்டல் கருத்துகள் முன்வைக்கப்பட்டன.