பொது இடங்களுக்கு நீர்த்தாங்கிகள்

கல்முனை முகைதீன் ஜும்ஆ பெரிய பள்ளிவாசல், கடற்கரைப் பள்ளிவாசல், சாய்ந்தமருது பொளசி விளையாட்டு மைதானம் என்பவற்றின் பாவனைக்காக 5,000 லீட்டர் கொள்வனவான நீர்த்தாங்கிகள், நகரத் திட்டமிடல், நீர் வழங்கல் அமைச்சால் இன்று (28) வழங்கப்பட்டுள்ளன.

தம்மிடம் விடுக்கப்பட்ட வேண்டுகோள்களுக்கமைவாக, முதற்கட்டமாக இவை  வழங்கப்பட்டுள்ளதாகவும் மேலும் தேவையான இடங்களுக்கு நீர்த்தாங்கிகளைப் பெற்றுக்கொடுக்க நடவடிக்கை எடுக்கப்படுமெனவும் அமைச்சர் ரவூப் ஹக்கீமின் இணைப்புச் செயலாளரும் கல்முனை மாநகர சபை உறுப்பினருமான ரஹ்மத் தெரிவித்தார்.