போதை ஒழிப்பு மாநாடு

மருதமுனை, இஸ்லாமிய பிரசார மையத்தின் அனுசரணையில், பெரியநீலாவணை, அக்பர் ஜூம்ஆபள்ளிவாசல், கல்முனை நீதவான் நீதிமன்ற பிராந்திய சமூதாயம் சார் சீர்திருத்த காரியாலயம் என்பன இணைந்து ஏற்பாடு செய்துள்ள போதை ஒழிப்பு மாநாடு, பெரியநீலாவணை அக்பர் கிராம தக்குவா பள்ளிவாசல் முன்பாக நாளை மறுநாள்(11) மாலை 6.30 மணி தொடக்கம் இரவு 9.30 மணிவரை நடைபெறவுள்ளது.

“சீரான சமூக உருவாக்கத்துக்கு போதைப்பொருள் பாவனைக்கு முற்றுப்புள்ளி வைப்போம்' என்ற தொனிப்பொருளில், இந்த போதை ஒழிப்பு மாநாடு நடைபெறவுள்ளது.

இம்மாநாட்டில், கலாநிதி எம்.எல்.முபாறக் மதனி, எம்.ஐ.எம்.ஜிபான் மதனி, யூ.எம்.எம்.சஜீத் ஸலபி ஆகியோர் விசேட உரையாற்றவுள்ளனர் என்பதுடன், இதில் அனைவரும் கலந்து பயன்பெறுமாறு அழைப்பு விடுக்கப்பட்டுள்ளது.