போதை மாத்திரை வைத்திருந்த மாணவனுக்கு மறியல்

பாறுக் ஷிஹான்

கல்முனை பொலிஸ் பிரிவுக்குட்பட்ட மருதமுனை பகுதியில், போதை மாத்திரையுடன், 18 வயது மாணவன் ஒருவர், விசேட அதிரடிப்படையினரால்  கைது செய்யப்பட்டுள்ளார்.

மருதமுனையில் உள்ள பிரபல பாடசாலையொன்றில் உயர் தரத்தில் கல்வி பயிலும்  மாணவர் ஒருவரே, இவ்வாறு கைதுசெய்யப்பட்டவராவார்.

கைது சைய்யப்பட்ட  மாணவனிடம் இருந்து 1,050 ரூபாய் பெறுமதியான போதை மாத்திரைகள்  கைப்பற்றப்பட்டன

கைதுசெய்யப்பட்ட மாணவன்,  கல்முனை பொலிஸாரிடம் ஒப்படைக்கப்பட்டார்.

இவ்வாறு ஒப்படைக்கப்பட்ட மாணவனை, கல்முனை நீதவான் நீதிமன்றத்தில் ஆஜர்படுத்திய பொது, அவரை ஒக்டோபர் 20ஆம் திகதி வரை விளக்கமறியலில் வைக்குமாறு நீதவான் உத்தரவிட்டார்.