மதுபானம் எடுத்துச் சென்றவர் கைது

-ஏ.எச்.ஏ. ஹுஸைன்

கல்முனை பொலிஸ் பிரிவிலுள்ள துறைநீலாவணையில் அனுமதிக்கப்பட்ட தொகையை விட அதிகளவில் சட்ட விரோதமாக மதுபானம் எடுத்துச் சென்ற குற்றச்சாட்டின் அடிப்படையில் குடும்பஸ்தர் ஒருவர், ஞாயிற்றுக்கிழமை (17) இரவு கைதுசெய்யப்பட்டுள்ளார் என கல்முனைப் பொலிஸார் தெரிவித்தனர்.

துறைநீலாவணை 6ஆம் வட்டாரத்தைச் சேர்ந்த மாணிக்கம் திருச்செல்வம் (வயது 48) என்பவரே 12 மதுபானப் போத்தல்களை சைக்கிளில் எடுத்துச் சென்றவேளை கைதுசெய்யப்பட்டுள்ளார். 

அம்பாறை மாவட்ட புலனாய்வு தலைமைப் பொறுப்பதிகாரி அப்துல் அமீரின் உத்தரவுக்கமைவாக உப பொலிஸ் பரிசோதகர் எஸ்.ஐ. சரத்சந்திர தலைமையிலான பொலிஸ் அணியினர் இந்த நடவடிக்கையை முன்னெடுத்திருந்தனர்.

இது தொடர்பான மேலதிக விசாரணைகளை கல்முனைப் பொலிஸார் மேற்கொண்டு வருகின்றனர்.