முத்துகளுடன் இருவர் கைது

அம்பாறை - கல்முனை பொலிஸ் பிரிவுக்குட்பட்ட சாய்ந்தமருது பிரதேசத்தில், யானைத் தந்தத்திலிருந்து எடுக்கப்பட்ட சுமார் 90 இலட்சம் ரூபாய் பெறுமதியான முத்துகள் மூன்றுடன் சந்தேகநபர்கள் இருவர், நேற்று  (08) இரவு கைதுசெய்யப்பட்டுள்ளனர் என, பொலிஸார் தெரிவித்தனர்.

அக்கரைப்பற்று பகுதியில் இருந்து விற்பனைக்காகக் கொண்டு சென்ற போது, பொலிஸாருக்குக் கிடைத்த இரகசியத் தகவலையடுத்து இந்த முத்துகள் கைப்பற்றப்பட்டதுடன், சந்தேகநபர்களும் கைதுசெய்யப்பட்டுள்ளனர்.

சம்பவம் தொடர்பாக கல்முனை பொலிஸார் விசாரணையை மேற்கொண்டு வருகின்றனர்.