முன்பள்ளிகளுக்கான உபகரணங்கள் வழங்கி வைப்பு

முன்பிள்ளைப்பருவ செயற்றிட்டத்தின் கீழ், மகளிர் அபிவிருத்தி, சிறுவர் விவகார அமைச்சால், அம்பாறை மாவட்ட முன்பள்ளிகளுக்கான உபகரணங்கள், கற்றல் - கற்பித்தல் செயற்பாடுகளுக்கான பொருள்கள் வழங்கப்பட்டுவருகின்றன.

இச்செயற்றிட்டத்தின் கீழ், அட்டாளைச்சேனை பிரதேசத்தில், முதற்கட்டமாக நான்கு முன்பள்ளிகளுக்கான உபகரணங்கள், பொருள்கள், அட்டாளைச்சேனை பிரதேச செயலகத்தில் இன்று (29) வழங்கி வைக்கப்பட்டன.

அட்டாளைச்சேனை பிரதேச முன்பிள்ளைப்பருவ அபிவிருத்தி உத்தியோகத்தர் ஏ.எல்.அப்துல் கனி தலைமையில் நடைபெற்ற இந்நிகழ்வில், உதவிப் பிரதேச செயலாளர் எம்.ஏ.சி. அஹமட் நசீல், சமூக சேவைப் பிரிவின் பிரதம முகாமைத்துவ சேவை உத்தியோகத்தர் கே.எம்.அன்சார், காரியாலய உத்தியோகத்தர்கள் கலந்துகொண்டனர்.