வாகன உரிமையாளர்கள் சங்கம் ஆர்ப்பாட்டம்

எம்.எல்.எஸ்.டீன்

அக்கரைப்பற்று, வாகன உரிமையாளர்கள் சங்கத்தினர்,  இன்று (30) அக்கரைப்பற்று மைதானத்துக்கருகில், ஆர்ப்பாட்டமொன்றை முன்னெடுத்தனர்.

வெளிமாவட்ட கனரக வாகன உரிமையாளர்களுக்கு, மண் ஏற்றிச் செல்வதற்காக வழங்கப்படும் அனுமதியை நிறுத்துமாறு கோரியே, சுமார் 35 கனரக வாகன உரிமையாளர்களால், இந்த ஆர்ப்பாட்டம் முன்னெடுக்கப்பட்டிருந்தது. 

இவ்வாறான கனரக வாகனங்களை, கடன்களைப் பெற்றே தாம் கொள்வனவு செய்துள்ளதாகவும் இதைக் கொண்டு, மண் ஏற்றி, தங்களது வாழ்வாதாரத்தை நடத்தி வருவதாகவும் எனினும், அக்கரைப்பற்று பிரதேசத்திலுள்ள எமக்கு மண் ஏற்றுவதற்கு அனுமதி வழங்காமல், ஏனைய வெளிமாவட்டங்களில் இருந்துவரும் வாகனங்களுக்கு அனுமதி வழங்கப்பட்டு, தொழில் செய்யப்பட்டு வருவதாகவும், ஆர்ப்பாட்டத்தில் ஈடுபட்டோர் குற்றஞ்சாட்டினர்.