ஹெரோய்ன் வைத்திருந்தவருக்கு அபராதமும் சிறையும்

-எம்.எஸ்.எம். ஹனீபா

அம்பாறை, அட்டாளைச்சேனை பிரதேசத்தில் ஹெரோய்ன் வைத்திருந்த குற்றச்சாட்டின் பேரில் கை செய்யப்பட்டு விளக்கமறியலில் வைக்கப்பட்டிருந்த சந்தேகநபருக்கு 10 ஆயிரம் ரூபாய் அபராதமும், ஒரு வருட கடூழிய சிறைத்தண்டனையை 06 வருடங்களுக்கு ஒத்தி வைத்து அக்கரைப்பற்று மாவட்ட நீதிமன்ற நீதவானும் மேலதிக நீதவான் நீதிமன்ற நீதவானுமான நளினி கந்தசாமி, இன்று செவ்வாக்கிழமை (24) தீர்ப்பளித்துள்ளார்.

அட்டாளைச்சேனைப் பிரதேசத்தைச் சேர்ந்த குறித்த சந்தேகநபர்  கடந்த 4ஆம் திகதி கைதுசெய்யப்பட்டு, நீதிமன்றினால் விளக்கமறியலில் வைக்கப்பட்டிருந்தார்.

இவ் வழங்கு விசாரணை, அக்கரைப்பற்று மாவட்ட நீதிமன்ற நீதவானும், மேலதிக நீதவான் நீதிமன்ற நீதவானுமான நளினி கந்தசாமி முன்னிலையில் இன்று (24) எடுத்துக்கொள்ளப்பட்ட போது 10 ஆயிரம் ரூபாய் அபராதமும், ஒரு வருட கடூழிய சிறைத்தண்டனையை 06 வருடங்களுக்கு ஒத்தி வைத்து தீர்ப்பளித்துள்ளார்.

27 வயதுடைய இந்தச் சந்தே நபரிடமிருந்து 150 மில்லிகிராம் நிறையுடைய ஹெரோய்ன் பக்கெட்டுகளை மூன்றைப் பொலிஸார் கைப்பற்றியிருந்தனர்.