வல்லிபுர ஆழ்வார் ஆலய கொடியேற்றம்

யாழ்ப்பாணம் வடமராட்சி வல்லிபுர ஆழ்வார் ஆலய வருடாந்த பெருந்திருவிழா ஞாயிற்றுக்கிழமை (21) அன்று காலை 9.30 மணிக்கு விசேட பூஜைகள் இடம் பெற்று கொடியேற்றத்துடன்  திருவிழா ஆரம்பமாகியுள்ளது.

வல்லிபுர ஆழ்வார் ஆலய பிரதம குரு கணபதீஸ்வரக்குருக்கள் தலைமையிலான குருமார் திருவிழா கிரியைகளை மேற்கொண்டதுடன் சுப வேளையில் கொடியேற்றும் சிறப்பு பூஜைகள் தற்போது இடம் பெற்று வருகின்றன.

வல்லிபுர ஆழ்வார் ஆலய வருடாந்த பெருந் திருவிழாவில் இரண்டாம் நாளான

22.09.2025  திங்கட்கிழமை முதல் 7 ம் திருவிழாவான 27.09.2025 வரை உள் வீதியுலாவும், 28.09.2025 வெளிவீதியில் ஞாயிறுக்கிழமை  குருக்கட்டு விநாயகர் தரிசனமும்,  29.09.2025 திங்கட்கிழமை  வெண்ணைத்  திருவிழாவும், 30.09.2025 செவ்வாய்க்கிழமை  துகில் திருவிழாவும்,  01.10.2025 புதன்கிழமை  பாம்பு திருவிழாவும்,02.10.2025 வியாழக்கிழமை  கம்சன் போர் திருவிழாவும், 03.10.2025 வெள்ளிக்கிழமை  வேட்டை திருவிழாவும், 04.10.2025 சனிக்கிழமை  சப்பறத் திருவிழாவிழாவும், 05.10.2025 ஞாயிற்றுக்கிழமை  தேர்த்திருவிழாவும்,  06.10.2025 திங்கட்கிழமை  சமுத்திர தீர்த்த திருவிழாவும், 07.10.2025 செவ்வாய்க்கிழமை  பட்டுத்தீர்த்த திருவிழாவும், 08.10.2025 ஆஞ்சநேயர் மடையும் இடம் பெறவுள்ளது.

திருவிழாவிற்க்கான சுகாதார வசதிகளை பருத்தித்துறை சுகாதார வைத்திய அதிகாரி அலுவலகமும், பருத்தித்துறை பிரதேச சபையும் மேற்கொண்டுள்ளதுடன்,  நிர்வாக ஒழுங்குகளை பருத்தித்துறை நீதிமன்ற பதிவாளர் அவர்கள் தலைமையிலும், வடமராட்சி வடக்கு பிரதேச செயலகம் ஏனைய பணிகளையும் மேற்கொண்டதுடன் பருத்தித்துறை பொலிஸ் நிலையம் மக்களுக்கு பாதுகாப்பு நடவடிக்கைகளை மேற்கொண்டுள்ளனர்.  

எஸ் தில்லை நாதன்