100 நாய்களைக் கொலை செய்து கிணற்றில் வீசியதால் பரபரப்பு

100க்கும் மேற்பட்ட தெரு நாய்களை வி‌ஷம் கொடுத்து கொலைசெய்து,  கிணற்றில் வீசிய  சம்பவம் தெலுங்கானாவில் பெரும் பரபரப்பை ஏற்படுத்தியுள்ளது.

தெலுங்கானாவில் சித்திபேட் மாவட்டம் திகுல் கிராமத்திலேயே இச்சம்பவம் இடம்பெற்றுள்ளதாகத் தெரிவிக்கப்பட்டுள்ளது.

குறித்த கிராமத்தில் நீண்ட காலமாகத் தெரு நாய்களின்  தொல்லை அதிகமாகக்  காணப்பட்டு வருவதாகக் கூறப்படுகிறது.

இதனையடுத்து நேற்று முன்தினம் (30)  அக்கிராமத்தில் 100க்கும் மேற்பட்ட தெரு நாய்கள் வி‌ஷம் கொடுத்து கொல்லப்பட்டு கிணற்றில் வீசப்பட்டுள்ளதாகத் தெரிவிக்கப்பட்டுள்ளது.

இந்நிலையில் இது குறித்து விலங்குகள் நல ஆர்வலரான  கௌதம் என்பவர் பொலிஸாரிடம் புகார் அளிக்கவே இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.

குறித்த கிராமத்தில் கடந்த 3 மாதங்களில் சுமார் 200 தெரு நாய்கள் கொல்லப்பட்டுள்ளதாகத் தெரிவிக்கப்பட்டுள்ளமை குறிப்பிடத்தக்கது.