அசாம் மாநில முன்னாள் முதல்வர் காலமானார்

அசாம் மாநில முன்னாள் முதலமைச்சர் தருண் கோகாய் தனது 86ஆவது வயதில் காலமாகியுள்ளார்.

கொரோனா பாதிப்பில் இருந்து அண்மையில் மீண்ட அவருக்கு மீண்டும் உடல் நலக்குறைவு ஏற்பட்டிருந்தது.

இந்நிலையில், கடந்த நவம்பர் இரண்டாம் திகதி கௌகாத்தி மருத்துவக் கல்லூரி மருத்துவமனையில் அவர் சிகிச்சைக்காக அனுமதிக்கப்பட்டிருந்தார்.

இந்நிலையில், நேற்றுமாலை அவரது உயிர் பிரிந்துவிட்டதாக சுகாதாரத்துறை அமைச்சர் ஹிமந்த பிஸ்வா சர்மா அறிவித்துள்ளார்.