அர்ஜூனுக்கு பா.ஜ.கவில் இணையுமாறு அழைப்பு

சென்னை;

 ஆக்‌ஷன் கிங் அர்ஜூனுக்கு பாரதிய ஜனதா கட்சியில்  இணையுமாறு அழைப்பு விடுக்கப்பட்டுள்ளதாக கட்சி வட்டாரங்கள் தெீவித்துள்ளன.

நடிகர் அர்ஜூனை பாஜக தேர்வு செய்ததற்கு காரணம், தமிழகம், கர்நாடகம் என இரண்டு மாநிலங்களிலும் மக்கள் மத்தியில் நன்கு பரிச்சயமானவர் என்பதே காரணமாக கூறப்படுகிறது. இதுமட்டுமல்லாமல் இயல்பாகவே நடிகர் அர்ஜூன் ஒரு ஆஞ்சநேயர் பக்தர் என்பதாலும் ஆன்மிக நாட்டமிக்கவர் என்பதாலும் அவர் பாஜகவில் இணைய மறுப்பேதும் கூறமாட்டாரென  கட்சி வட்டாரங்கள் தெரிவித்துள்ளன.

பாரதிய ஜனதா கட்சியில் இணையும் சின்னத்திரை மற்றும் வெள்ளித்திரை பிரபலங்களின் எண்ணிக்கை நாளுக்கு நாள் அதிகரித்துக்கொண்டே வருகிறது. தமிழகத்தில் குஷ்பு, நமீதா, காயத்ரி ரகுராம், குட்டி பத்மினி, ஆர்.கே.சுரேஷ்குமார், ராதாரவி, கவுதமி, இயக்குநர் பேரரசு, என மிகப்பெரிய நட்சத்திர பட்டாளங்களே பாஜகவில் இருக்கின்றன.  

 இதேவேளை, நடிகர் அர்ஜூனுக்கு  அழைப்பு சென்றதாகவும் ஆனால் அவரிடமிருந்து எந்த பதிலும் வரவில்லை எனவும் கூறப்படுகிறது.