ஒற்றைக் காகத்தால் வீட்டுக்குள் முடங்கிக் கிடக்கும் மக்கள்

கர்நாடக மாநிலத்தில்  ஒப்லாபுரா என்ற கிராமத்தில் வசிக்கும் மக்கள் கடந்த ஆறு மாதங்களாக காகமொன்றிற்குப் பயந்து வீட்டுக்குள் முடங்கியுள்ள சம்பவம் வியப்பபை ஏற்படுத்தியுள்ளது.

குறித்த கிராமத்தில் இருக்கும் காகம் ஒன்று அப்பகுதியிலேயே நடந்து செல்பவர்கள், சிறுவர்கள் , மோட்டார் சைக்கிள்களில் செல்பவர்கள் எனப் பலரையும் விரட்டி, விரட்டி கொத்திவிட்டு பறந்து செல்வதாகக் கூறப்படுகின்றது.

இதன் காரணமாக அப்பகுதியில் இருக்கும் பெரும்பாலனவர்களுக்கு தலையில், முகம் உள்ளிட்ட இடங்களில்  காயம் காணப்படுவதாகத் தெரிவிக்கப்பட்டள்ளது.

மேலும், இதுபோல அட்டகாசம் செய்யும் அந்த ஒற்றை காகத்தை பிடிக்க கிராமமே முயன்ற போதும் அவர்களால் அதனை பிடிக்க முடியவில்லை. இதனாலேயே அக்கிராமத்தில் இருக்கும் மக்கள் அக்காகத்திற்கு பயந்து தலையில் துண்டு கட்டி வெளியே செல்லும் நிலைக்குத் தள்ளப்பட்டுள்ளதாகவும் தெரிவிக்கப்பட்டுள்ளது.