தடுப்பூசிக்குப் பயந்து மரமேறிய நபர்

நபரொருவர் கொரோனாத் தடுப்பூசியைச் செலுத்திக் கொள்ள பயந்து மரத்தில் ஏறிய சம்பவம் புதுச்சேரி மாவட்டத்தில் இடம்பெற்றுள்ளது.

கோனேரிகுப்பம் கிராமத்தைச் சேர்ந்த குறித்த நபர் தடுப்பூசியைச் செலுத்திக் கொள்வதற்கு பயந்து  தடுப்பூசி செலுத்தாது நாட்களைக் கடத்தி வந்துள்ளார்.

இந்நிலையில் சுகாதார அதிகாரிகள் அவரைத் தடுப் பூசி செலுத்திக் கொள்ளுமாறு வற்புறுத்தவே தனக்கு மரம் வெட்டும் வேலை இருப்பதாகக் கூறி உடனடியாக மரத்தில் ஏறியதாகத் தெரிவிக்கப்பட்டுள்ளது.

இதனையடுத்து செவிலியர்அவரை வற்புறுத்தவே, வேண்டுமானால் மரத்தில் ஏறி வந்து ஊசி செலுத்திக் கொள்ளுங்கள் என அவர் பிடிவாதமாக இருந்துள்ளதாகவும் தெரிவிக்கப்பட்டுள்ளது.

இதனையடுத்து வேறு வழியின்றி செவிலியர் அங்கிருந்து புறப்பட்டுச் சென்றுள்ளதாகவும் தெரிவிக்கப்பட்டுள்ளது. இந்நிலையில் இது குறித்து வெளியான வீடியோவொன்று தற்போது இணையத்தில் வைரலாகி வருகின்றமை குறிப்பிடத்தக்கது.