திடீரென பொலிஸ் நிலையத்திற்குச் சென்ற 4 வயதுச் சிறுவன்; காரணம் தெரிந்தால் அதிர்ச்சி அடைவீர்கள்

திருப்பதி அடுத்த சித்தூரில் 4 வயது சிறுவன் ஒருவன் பொலிஸ் நிலையத்திற்கு சென்று போக்குவரத்தை சீர்செய்யுமாறு கேட்டுக் கொண்ட சம்பவம் ஆச்சரியத்தை ஏற்படுத்தியுள்ளது.

பலமனேர் நகரை சேர்ந்த சிறுவனே இவ்வாறு அருகே உள்ள பொலிஸ் நிலையத்திற்கு சென்று உயர் பொலிஸ் அதிகாரி ஒருவரிடம் ”தான் கல்வி கற்கும் பாலர் பாடசாலை அருகே போக்குவரத்து நெரிசல் காணப்படுவதாகவும், இதனால் தயவு செய்து போக்குவரத்தை சீர்செய்து தருமாறும் ” கோரிக்கை விடுத்துள்ளான்.

இதனால் அதிர்ச்சியும், ஆச்சரியமும் அடைந்த பொலிஸார், போக்குவரத்தை சரி செய்வதாகக் கூறி சிறுவனை சமாதானம் செய்து அனுப்பி வைத்துள்ளனர்  எனத் தெரிவிக்கப்பட்டுள்ளது.