பொலிஸ் தடுப்புக் காவலில் 348 பேர் உயிரிழப்பு

இந்தியாவில் கடந்த 3 ஆண்டுகளில் பொலிஸ் தடுப்புக்காவலில்  வைக்கப்பட்டிருந்த 348 பேர் உயிரிழந்துள்ளனர்  என மத்திய உட்துறை அமைச்சானது  தகவல்வெளியிட்டுள்ளது.

இது குறித்து மேலும் தெரிவிக்கப்பட்டுள்ளதாவது ”இந்தியாவில்  2018-19 ஆம் ஆண்டில், பொலிஸ் தடுப்புக் காவலில் வைக்கப்பட்டிருந்த 136 பேர் உயிரிழந்தனர் எனவும்  சித்திரவதைக்கு ஆளானோர் எண்ணிக்கை 542 பேர் எனவும் தெரிவிக்கப்பட்டுள்ளது.

அத்துடன் 2019-20 ஆம் ஆண்டில் இவ்வாறு தடுப்புக்காவலில் வைக்கப்பட்டு மரணமடைந்தோர்  எண்ணிக்கை 112 ஆகவும், சித்திரவதை செய்யப்பட்டவர்கள்  எண்ணிக்கை  411ஆகவும்  காணப்பட்டது எனவும் அதுபோல 2020-21 ஆம் ஆண்டில் மரணமடைந்தோர் எண்ணிக்கை 100 ஆகவும், சித்திரவதைக்கு ஆளானோர் எண்ணிக்கை 236 ஆகவும் உள்ளது என்றும் தெரிவிக்கப்பட்டுள்ளது.